Visit Astana «Жібек жолындағы Туризм» Ташкент халықаралық туристік жәрмеңкесінде Қазақстан астанасының туристік әлеуетін білдіреді

2024 жылғы 21-23 қараша аралығында «Астана даму орталығы» ЖШС «Жібек жолындағы Туризм» (ТХТЖ-2024) 29-шы Ташкент халықаралық туристік жәрмеңкесіне қатысады және Visit Astana туристік брендін ұсынады.

Астана қаласынан стендте туристік саланың негізгі қатысушылары ұсынылған:
•Еуразиялық туризм қауымдастығы;
•Туроператорлар: Explore Kazakhstan, Skyway, Crocos Travel;
•Қонақ үйлер: Rixos President Astana, SAAD, Rixos Borovoe;
•Air Astana Әуекомпаниясы.

Ташкент халықаралық туристік жәрмеңкесі-жыл сайын Дүниежүзілік Туристік Ұйымның (UNWTO) ресми қолдауымен өткізілетін Орталық Азиядағы ең ірі туристік көрме. Биыл жәрмеңке алғаш рет «CAEx» жаңа халықаралық көрме орталығының (Central Asian Expo Uzbekistan) алаңында өткізіледі.

Ұйымдастырушылар-Өзбекстан Республикасының экология, қоршаған ортаны қорғау және климаттың өзгеруі министрлігі, Туризм комитеті, «Ұлттық PR-Орталық» Мемлекеттік унитарлық кәсіпорны және «Team & Co Group» компаниясы.

ТХТЖ-2024 ашылуына жоғары дәрежелі қонақтар қатысты:
Өзбекстан Республикасы Туризм комитетінің төрағасы-Умид Шадиев, «Uzbekistan Airways» Басқарма төрағасының бірінші орынбасары-Умид Хусанов, Гоа туризм министрі - Шри Рохан Хаунте, Приморск өлкесінің губернаторы-Олег, Институционалдық байланыстар, серіктестік және насихат департаментінің директоры, БҰҰ туризм жөніндегі басқармасы-Дилер Хакимов, сондай-ақ жәрмеңкеге қатысушылар жергілікті және халықаралық ұйымдар мен БАҚ өкілдері. Сонымен қатар, жәрмеңкенің бірінші күні жетекші, халықаралық және ұлттық мамандармен екі сессия өтті: «Жекелеген өңірлердің туристік әлеуеті: өсудің әртүрлі бағыттары мен мүмкіндіктерін зерттеу», «Қытай провинцияларының туристік әлеуеті: дәстүрлер, табиғат пен инновациялар арқылы саяхат» және жеке жобалардың тұсаукесерлері өтті. 

Аталған жәрмеңке аясында туристік көрме өтуде, онда туризм саласындағы жетекші халықаралық мамандардың қатысуымен 19 шет ел (17 мыңнан астам келуші) форум, сондай-ақ ТМД, Азия және Еуропа елдерінен мемлекеттік және жеке компаниялардың өкілдері арасындағы B2B кездесулер, дөңгелек үстелдер, «Craft Fair Uzbekistan» туристік қызметтер мен қолөнер өнерінің көрмелері өтеді. 

ТХТЖ-2024-ке қатысу Астана үшін Қазақстанның астанасын халықаралық аренада танымал ету, іскерлік байланыстар орнату және туризм саласындағы ынтымақтастықты кеңейту үшін жаңа мүмкіндіктер ашады.