Астана халықаралық ұйым – Дүниежүзілік туристік альянстың (WTA) мүшесі болды

2024 жылғы 30 қазанда Астана қаласы Visit Astana туристік бренді ретінде Дүниежүзілік туристік альянстың (WTA) ресми мүшесі болды. Астананың халықаралық ұйымға кіруі 29 қазан мен 1 қараша аралығында Қытайдың Хайнань провинциясының Санья қаласында өтетін WTA • Xianghu Dialogue 2024 туризм жөніндегі халықаралық форумы шеңберінде WTA жыл сайынғы жиналысында өтті. Форум Қытай Халық Республикасының мәдениет және туризм Министрлігінің, ЮНВТО-ның, Дүниежүзілік саяхат және туризм кеңесінің (WTTC), Еуропалық туристік комиссиясының (ETC), Жаһандық туристік экономика форумының (Gtef) және Азия және Тынық мұхит елдерінің туризм қауымдастығының (PATA) қолдауымен ұйымдастырылған.

Дүниежүзілік туристік альянс – Қытайда құрылған халықаралық ұйым, ол ұлттық және аймақтық туристік қауымдастықтарды, туристік компанияларды, дестинацияларды, ғылыми-зерттеу институттарын, БАҚ және т.б. туризм бойынша мемлекеттік және жеке тұлғаларды біріктіреді. Бүгінгі таңда WTA-да әлемнің 44 елінен 242 мүше бар, оның ішінде 45-тен астам салалық қауымдастықтар, 80 ірі туристік компаниялар және 14 оқу орны бар. WTA мүшесіне CNN International, Qatar Tourism, Los Angeles Tourism & Convention Board, Japan Airlines, United Airlines, Hyatt Hotels, Aeroflot, Airbnb және басқа да көптеген танымал ұйымдар кіреді.

WTA-ға қосыла отырып, Астана туризм саласындағы халықаралық ынтымақтастықты нығайта отырып Қазақстан астанасының туристік әлеуетін жаһандық деңгейде ілгерілету үшін жаңа перспективалар ашады. 2024 жылы WTA құрамына 22 жаңа ұйым кірді және Астана олардың бірі болуды мақтан тұтады.

«Xianghu Dialogue 2024» форумы тағы 1 қарашаға дейін жалғасады, оның барысында 45 елдің туристік саласы мен халықаралық ұйымдарының жетекші өкілдері Туризмдегі өзекті экономикалық үрдістер мен жаңа бағыттарды талқылайды. Биылғы жылы форум «Geared up for a New Venture – the Future is Now» тақырыбында өтіп, қатысушыларды туризмді дамыту индустриясының қазіргі жағдайы мен перспективаларын талқылауға шақырады.

Негізгі тақырыптардың қатарына туризмнің тұрақты дамуы, халықаралық ынтымақтастықты нығайту, елдер арасындағы туристік өзара іс-қимылды кеңейту, сондай-ақ саяхат индустриясындағы инновациялар мен «жасыл» технологиялардың рөлі жатады.

Астана Дүниежүзілік туристік альянстың жаңа қатысушысы ретінде Қазақстанның әлемдік туристік аренадағы тартымдылығын арттыруға ықпал ете отырып, халықаралық туризмді дамыту және шетелдік қонақтарды тарту үшін жаңа мүмкіндіктерді ашады.