Сипаттамасы
Тәуелсіздік сарайы Қазақстан Республикасының Тұңғыш Президенті – Елбасы Н.Ә. Назарбаевтың бастамасымен 2008 жылдың 15 желтоқсанында салтанатты түрде ашылды.
Дамыған инфрақұрылым, жоғары техникалық жабдықталу деңгейі және сапалы менеджмент республикалық және халықаралық деңгейдегі форумдарды, конгрестерді, кеңестерді, съездерді және басқа да іс-шараларды өткізуге мүмкіндік береді. Сарайдың заманауи интерьерінде ресми стиль мен жайлы эстетика үйлесімді түрде тоғысқан. 40 000 шаршы метрден астам аумақта кең залдар мен галереялар орналасқан. Ғимарат үш қабаттан тұрады. Бірінші қабатта конгресс-зал, баспасөз орталығы, салтанат залы, сопақ зал, екіжақты кездесулерге арналған бөлмелер және мерекелік іс-шаралар залы бар. Конгресс-зал көптеген тарихи оқиғалардың куәсі болды. Ресми іс-шаралармен қатар, мұнда концерттер, көрмелер және мерекелік шаралар өткізуге барлық жағдай жасалған. Конгресс-залдың бірегей ерекшелігі – төрт тең бөлікке бөлінуге мүмкіндік беретін жылжымалы қабырғалары. Залдың жалпы ауданы – 4775 ш.м., 3082 орынға есептелген. Ол жарықтандыру мен дыбыс оқшаулау саласындағы жаңа технологиялар талаптарына толық сай келеді.
Екінші қабатта көркем галерея орналасқан. Ерекше назар аударуға тұрарлық нысан – 2030 жылға дейінгі Астана қаласының даму Бас жоспарының макет залы. Бұл макет келушілерге астананың панорамалық көрінісін ұсынып, дамып келе жатқан инфрақұрылымымен таңғалдырады. Макет сарайдың үшінші қабатында орналасқан.
Тәуелсіздік сарайына келген қонақтарды елордадағы ең беделді нысандардың бірі қарсы алады. Мұнда саяси қуат, көне дала мәдениеті және болашаққа ұмтылыс біртұтас үйлесім тапқан.
Орталық туралы
