«Жастар» театры – өнердің жас әрі креативті орталықтарының бірі. Өзінің алуан түрлілігімен және жаңашылдығымен бұл театр қазақ театр өнерінде ерекше орнын айқындап, шығармашылық шекарасын кеңейтіп келеді. Бар-жоғы 16 жылдың ішінде театр халықаралық және республикалық байқауларда 16 Гран-при иеленіп, жас ұжымның мақсаткерлігі мен шығармашылық табандылығын дәлелдеді.

«Жастар» театры 2007 жылдың 5 шілдесінде елорда әкімдігінің қолдауымен құрылды. Өнер ордасы алғаш рет шымылдығын Шыңғыс Айтматов пен Әбіш Кекілбайдың «Шыңғыс хан» спектаклімен ашты (инсценировка авторы – Жаныш Құлмамбетов, қоюшы режиссер – Қазақстанның еңбек сіңірген қайраткері Нұрқанат Жақыпбай).

Театр актерлерінің 99 пайызы – Т.Жүргенов атындағы Қазақ ұлттық өнер академиясының түлектері, профессор, ҚР білім беру ісінің үздігі, режиссер Нұрқанат Жақыпбайдың шәкірттері. Жас театрдың негізін қалаған және сахна төріне алғаш шыққан ұжымның алдыңғы буыны – Қазақстанның еңбек сіңірген қайраткерлері Даурен Сергазин мен Адил Ахметов, ҚР Президенті стипендиясының иегерлері Жандаулет Батай мен Айнұр Рахипова, «Еңбек даңқы» төсбелгісінің иегері Азамат Эскулов, «Қазақстан патриоты» мерейтойлық белгісінің иегері Бақыт Хаджибаев, сондай-ақ «Құрмет» грамотасының иегерлері Мадина Май мен Махаббат Мадгулова.

Сайт: www.zhastar-theatre.kz
Instagram: @zhastar_teatry
Facebook: fb.com/zhastar teatry
TikTok: zhastar_teatry_official
VK: Жастар-театры

Жұмыс кестесі:

• Дс–Жс (10:00–18:00)
  

Билеттерді мына жерден сатып алуға болады: https://ticketon.kz/astana/theatres