Астана Қуыршақ театры — 2010 жылдан бері жұмыс істеп келе жатқан мемлекеттік қуыршақ театры. Театр балалар мен отбасылық көрермендерге арналған қойылымдарға маманданған, қуыршақтармен қойылатын спектакльдер, шоу элементтері мен қойылым алдындағы ойын-сауық бағдарламаларын ұсынады. Театр Астана қаласы, Республика даңғылы, 3 мекенжайында орналасқан. Театрдың жетекшісі — Толкжан Скендировна Хасанғалиева.
2010 жылғы 29 желтоқсанда қала Әкімінің қаулысымен Астана қаласы әкімдігінің «Қуыршақ театры» ашылды. Бұл оқиға елордамыздың мәдени және рухани өміріндегі маңызды сәттердің бірі болды.
Бүгінгі таңда Астана қаласы әкімдігінің «Қуыршақ театрының» репертуарында көне аңыздар мен ертегілердің сахналық нұсқаларымен қатар, шетелдік авторлардың түпнұсқа шығармалары да бар. Олардың қатарында: К. Ешмұратованың «Махаббат аңызы», М. Тойбаевтың «Сиқырлы сөздер», А. Салаевтың «Мен салған сурет», «Мен сияқты істе», «Қаламыздың көшелеріндегі оқиғалар», С. Жүнісовтың «Атамекен», жапон халық ертегісі «Жаңғырық қалай пайда болды», «Орман ертегісі», «Ана құдіреті», қазақ халық ертегісі «Дөңгелек шал», Е. Жуасбектің «О, тоба», И. Миччи, Дж. Робертс пен Л. Вульвертонның «Арыстан патша», З. Сагалов пен Л. Жадановтың «Солдат қазаны», Г. Х. Андерсеннің «Русалочка туралы тағы да бір рет», Х. Юрковскийдің «Бұл — менмін», Н. Шуваловтың «Үш көңілді гном», К. Ежембектің «Жалқаулықтың айласы» мен «Ер Төстік», Р. Мұқанованың «Мәңгілік бала бейне» және т.б. бар.
Астана қаласы әкімдігінің «Қуыршақ театры» өз көрермендеріне көтеріңкі көңіл-күй мен қуаныш сыйлап, күн сайын репертуарын жаңа әрі қызықты қойылымдармен толықтырып келеді!
- Сайт: teatrkukol-ast.kz
- Instagram: @kuyrshak_teatry_astana
- TikTok: @kuyrshak_teatry2022
Жұмыс кестесі:
- Дс–Жс (10:00–18:00)
Байланыс:
- +7‒702‒069‒16‒73
- +7‒702‒495‒10‒73
Билеттерді мына жерден сатып алуға болады: https://ticketon.kz/astana/theatres
