Нұр-Сұлтан қаласындағы М.Горький атындағы Мемлекеттік академиялық орыс драма театрының тарихы сонау 1899 жылдан бастау алады.
1920-1930 жылдары аралығында театрдың штаты жасақталғанымен, театр біресе Халық үйінде (қазіргі ҚР ҰҚК шекара қызметінің ғимараты), біресе Александр Невский соборында, сосын қыста жұмыс істей алмағандықтан Жазғы театрда жұмыс істейді. Желтоқсан көшесі 13 мекенжайы бойынша орналасқан театрдың ғимараты (бұрынғы гимназия) театрдың пайдалануына 1939 жылы берілен. Әлі күнге дейін бұл ғимарат мемлекет қорғауындағы мәдени мұра объектісі болып саналады.
Ұлы Отан соғысы жылдары да театр өз жұмысын жалғастырды: 1942 жылдан бастап мұнда эвакуацияланған Ворошиловград театры жұмыс істейді, труппа Алжирдің бұрынғы тұтқындарымен толықтырылады. Ал 1943 жылы театрдың қазақ бөлімі өз жұмысын бастайды. Ғ.Мұстафиннің пьесасы бойынша "Жарыс", одан кейін "Қозы-Көрпеш пен Баян Сұлу","Алдар Көсе" пьесалары сахналанды.
1959 жылы театрға Максим Горькийдің аты берілді.
60-ы жылдары театр өрлей бастайды. С.Мұқановтың пьесасы бойынша "Сәкен Сейфуллин" спектаклі алғаш рет орыс тілінде қойылды. Театр 1970-1980 жж кеңестік көрерменнің арман-мақсатын бейнелейді.
Еліміз Тәуелсіздік алғаннан кейін театр қайта құрылып, қызметтің жаңа бағыттарын іздей бастайды. Қазақ халқының тарихи өткеніне, ұлттық мәдениетке деген қызығушылық арта бастайды. І. Оразбаевтың "Шыңғысхан" (1992 жыл) тарихи драмасының бірінші орынға шығады, әйгілі Әзірбайжан Мәмбетовтың "Шындықты іздеуде ерте көрінді..." қойылымы М.Әуезовтің "Абай жолы" романы бойынша (1995 ж.), М.Әуезовтің "ХанКене" (1997 ж.) және т. б. шығармалары қойылды. Пандемия кезінде "GorkyFM" радиостанциясы ашылып, "Театрдағы Кино" бірегей жоба жүзеге асырылды. Оның аясында әртүрлі жанрдағы театр туралы қысқа метражды фильмдер түсірілді. 2021 жылы Нұр-Сұлтан қаласы әкімдігінің қолдауымен Ресей театр өнері институтымен (ГИТИС) Г. Гориннің «Кин IV» бірлескен шығармашылық жобасы жүзеге асырылды.
Қойылымдардың көбі арнайы шақырылған режиссер, сазгер, қоюшы суретшілердің қатысуымен дүниеге келеді. Бұл өз ретінде театрдың көркемдік баюына әсер етті. Театрмен әр жылдары мынандай режиссерлер серіктестік етті: Әзірбайжан Мәмбетов, Қадыр Жетпісбаев, Болат Аюханов, Гульсина Мергалиева, Нұрлан Асанбеков (Қырғызстан), Барзу Абдураззаков (Тәжікстан), Леонид Чигин, Александр Каневский, Йонас Вайткус, Агнюс Янкявичус (Литва), Егише Геворкян (Австрия), Сергей Потапов, Юрий Квятковский, Туфан Имамутдинов, Рача Махатаев, Евгений Гельфон және т.б.
Театр – бұл адам өмірінде кездесетін шегі жоқ сұрақтар мен жұмбақтар айналасында өрбитін үнемі жаңғырып, жаңарып тұратын өнердің бір түрі.
