Назқоңыр

Классикалық вокал бөлімі солистері ән жанрының сан түрлі әуенін ұсынады. Бұл кеште қазақтың халық әндері: «Назқоңыр», «Дедім-ай-ау», «Ғашығым» және басқа да шығармалары, сондай-ақ Ақан сері, Жаяу Мұса, Сегіз сері, Б. Ерзакович, Е. Брусиловский, Н. Тілендиев, С. Мұхамеджанов, М. Төлебаев, К. Күмісбеков, Ғ. Жұбанова, Т. Базарбаев, Е. Рахмадиев, Е. Хасанғалиев сынды көрнекті композиторлардың вокалдық туындылары орындалады.

Қазақстан мәдениетінің ұлы мұрасына айналған бұл әндер филармония солистерінің орындауында фортепианоның сүйемелдеуімен шырқалады. Концертке Алтынбек Арыстанбек, Шахризада Тынышық, Алтынбек Әбілда, Айгерім Аманжолова, Талғат Аллабиринов, Нұрсәт Алмас, Фируза Рахметова, Саида Қалыкова, Сүндет Байғожин қатысады. Концертмейстерлер Роза Шоткалиева мен Назерке Махметова.

Қазақ халқының ән мәдениетімен жақынырақ танысып, қазақ әндерінің әуезділігі мен ұлттық ерекшелігін сезінгісі келетін барлық жанды осы кешке шақырамыз!