ÓzgeEpic Astana — Астана қаласындағы заманауи қазақстандық өнерді дамытуға, шығармашылық бастамаларды, дарынды жастарды қолдауға және креативті индустриялар экожүйесін қалыптастыруға бағытталған көпфункционалды мәдени-креативті кеңістік.

ÓzgeEpic креативті хабы 2019 жылдан бастап жұмыс істейді және Қазақстандағы алғашқы креативті орталықтардың бірі болып табылады.

Елордадағы креативті кеңістікті дамыту Астана қаласының әкімдігімен серіктестікте жүзеге асырылады.

ÓzgeEpic Astana инфрақұрылымына мыналар кіреді:

- театр қойылымдарын, концерттерді, конференциялар мен мәдени іс-шараларды өткізуге арналған көпфункционалды трансформацияланатын зал;

- заманауи өнер галереясы және көрме кеңістіктері;

- этномәдени алаң және музей;

- шығармашылық студиялар;

- кітап кеңістігі;

- білім беру бағдарламаларын, шеберлік сабақтары мен шығармашылық кездесулерді өткізуге арналған алаңдар.

ÓzgeEpic Astana кеңістігінің ерекшелігі — бірнеше мәдени және білім беру іс-шараларын бір мезгілде өткізу мүмкіндігі. Кеңістік көрме, театр, білім беру және шығармашылық қызмет бағыттарын біріктіреді.

Қызметінің негізгі бағыттары:

1. Заманауи өнер. Көркем көрмелер ұйымдастыру, қазақстандық суретшілерді қолдау, кураторлық және пәнаралық жобаларды дамыту.

2. Театр өнері. Спектакльдер қою және көрсету, тәуелсіз театр ұжымдарын, режиссерлер мен актерлерді қолдау.

3. Креативті білім беру. Шеберлік сабақтарын өткізу.

Байланыс

ÒzgeEpic

Тел: +7‒707‒574‒88‒08

«OzgeEpic» креативті хабының директоры — Тоғжан Құрманжанова

Тел: 8 771 331 5024